Kom geniet saam met ons die teenwoordigheid van die Here en die getuienis van God se liefde, genade en wonders in Sy kinders se lewens.
Sondagoggend: 09h00
Sondagaand: 18h00
Word deel van
PE Noord
Hoe?
Kom besoek ons by Suttonweg 25, Sidwell. Word deel van 'n wonderlike familie in Christus. Vir meer inligting, kontak gerus Pastoor Dion of ons Kerkkantoor. Hier is die skakel:
Ek groet elkeen van u met ‘n opgewondenheid in my gees.
Mag 2017 ‘n baie geseënde jaar vir jou en jou huis wees.
Ons Jaartema is: Elke Huis vir Christus.
My droom is dat ons sal sien hoe almal in ons huis voluit die Here dien en ook dat baie van ons geliefdes tot bekering sal kom in 2017.
Mag elkeen van ons ook net nader aan die Here groei in 2017.
Josua 24:15 “Maar as dit verkeerd is in julle oë om die HERE te dien, kies dan vir julle vandag wie julle wil dien: òf die gode wat julle vaders daar oorkant die Eufraat gedien het, òf die gode van die Amoriete in wie se land julle woon; maar ek en my huis, ons sal die HERE dien.”
As Jesus in jou huis is gaan ons dinge sien gebeur. Nie net in jou eie familie nie, maar ook in die groter geheel binne in die gemeente.
Ek weet die Here het groot dinge in stoor vir PE Noord VEK.
Ek wil jou aanmoedig om betrokke te raak soveel as moontlik en dan van die vrug daarvan te geniet.
Middel Februarie begin ons met ‘n spesiale reeks in ons selle – War Room – Skakel gerus in.
Mag die vrug van Jesus in jou huis sigbaar wees in die kwartaal wat voorlê.
Groete in Christus
Pastoor Dion
Om oor na te dink
Sien is glo of glo en sien!
Heb 11:1
“Die geloof dan is ‘n vaste vertroue op die dinge wat ons hoop, ‘n bewys van die dinge wat ons nie sien nie. “
So baie word daar oor geloof gepraat. Wat ek vanoggend wil doen is om deur God se Woord jou geloof te versterk en uiteindelik dat ek en jy ons geloof vandag in aksie sal plaas.
Een aand het ‘n huis aan die brand geslaan en die jong seuntjie was geforseer om te vlug na die dak van die huis. Sy pa het buite op die grond gestaan met uitgestrekte arms en sy seun, aangemoedig om te spring. Spring ek sal jou vang. Hy het geweet die seun sal moet spring om sodoende te bly leef. Al wat die seun gesien het was die vlamme, rook. Hy kon glad nie sy pa daar onder sien nie. Hy het net sy stem gehoor. Hy was baie bang om die veiligheid van die dak te verlaat. Sy pa het aangehou om hom aan te moedig om te spring. Spring sê hy. Die seun sê ek kan nie, ek kan jou nie sien nie. Die Pa het geantwoord, ek kan jou sien en dit is al wat saakmaak.
Glo jy vanoggend dat die Here jou raaksien. Dat Sy arms uitgestrek is om jou te vang in die vuur.
